Спортски викенд Илинден 2017 „Ние навиваме за Македонија“
- Детали
- Категорија: Илинден
- Создадено: 18 Јули 2017
По повод одбележувањето на патрониот празник на Општина Илинден, "Илинден 2-ри Август“ и националниот празник на македонскиот народ, на 22 јули (сабота) и 23 јули (недела) 2017 година, под мотото „Ние навиваме за Македонија“ по 9-ти пат ќе се одржи Спортски викенд „Илинден 2017“.
На оваа традиционална спортска манифестација ќе учествуваат над 700 спортисти кои ќе се натпреваруваат во повеќе спортови: велосипедизам, шах, баскет, тенис, атлетика-трчање, хокеј и голем фудбал.
Централен настан на Спортскиот викенд е професионалната велосипедска трка во должина од 100 километри „Трофеј Илинден 2017”, која што е влезена во календарот на велосипедски трки на Велосипедската федерација на Македонија и се бодува за купот на нашата земја. Велосипедската трка „Трофеј Илинден 2017” има интернационален карактер бидејќи на неа настапуваат велосипедисти од повеќе држави.
Стартот на трката е закажан за 23 јули (недела) во 16:00 часот пред Спортската сала „Гоце Делчев“, каде што е и целта, а ќе се возат 4 круга низ населените места на Општина Илинден: Илинден, Марино, Ајватовци, Мршевци, Дељадровци, Текија, Миладиновци и Кадино. Патеката е кружна, а должината на еден круг е 25 километри.
Градоначалникот на Општина Илинден, Жика Стојановски како покровителот на Спортскиот викенд „Илинден 2017“, на најдобрите екипи и поединци ќе им додели соодветни награди, пехари, медали, маици...
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс