1-ва Скопска - МТМ Телевизија

На денешената седница на Советот на Општина Карпош, советниците расправаа по вкупно четириесет и седум точки. Четириесет и пет граѓани, жители на Карпош 3 и Карпош 4, и оваа година ќе добијат бесплатно паркирање во Трговскиот центар „ Скопје Сити Мол.

“Советниците ги усвоија заклучоците за усвојувањето на Годишниот извештај за работата на десетте основни училишта кои се наоѓаат на територијата на локалната самоуправа за учебната 2016/2017 година. Исто така, се усвои Годишната програма за работата на општинските основни училишта за учебната 2017/2018 година. Советниците во Советот на Општина Карпош, ги усвоија мислењата за изведување на ученички екскурзии и други ученички активности во училиштата во Општина Карпош за учебната 2017/2018 година.

Советниците дадоа „виза“ за определување на стипендии за талентирани ученици, од основните општински училишта во Карпош за учебната 2017/2018 година. На оваа седумдесетта седница на Советот помина и одлуката одобрување на финансиски средства за летување на ученици од семејства во потешка материјална состојба кои се жители на Општина Карпош.