1-ва Скопска - МТМ Телевизија

Креирање на младинска стратегија на територија на Карпош со која ќе се лоцираат најгорливите младински проблеми и ќе се понудат одржливи решенија е целта на денешната средба меѓу градоначалникот на Капрош Стефан Богоев и претставници од Националниот младински совет на Македонија.

Во пресрет на донесувањето на Буџетот за 2018-та година, градоначалникот на Општина Карпош, Стефан Богоев се сретна со претставници од Националниот младински совет на Македонија. Целта на оваа работна средба , но и стратешки пристап на Општината е преку младинско учество и младински активизам да се дојде до поквалитетни политики за млади во 2018-та година во Општина Карпош. На денешниот состанок се разменија предлог проекти кои можат да бидат вметнати во дел од буџетските програми за следната година. Целта е Локалниот младински совет да прерасне во вистинско претставничко тело на младите. На овој начин ќе се зајакне и капацитетот на самиот Совет на Општината, бидејќи ова тело ќе располага со активни, капацитетни и креативни млади луѓе кои се стремат кон подобра локална заедница.