1-ва Скопска - МТМ Телевизија

Во Кисела Вода продолжува акцијата за чистење на сметот во сите месни и урбани заедници. Од општината информираат дека денес се чистат урбаните заедници „Црниче“ и „Расадник“, а кон почетокот на следната недела акцијата ќе продолжи во урбаната заедница „Бирарија“ и во месната заедница „Пинтија“. 

Во текот на неделава беа собрани околу четири тони смет од урбаната заедница „Цветан Димов“ и околу три тони смет од урбаната заедница „Кисела Вода“. 

Минатата недела се чистеа урбаните заедници „11 Октомври“ и „Драчево“ каде беа собрани седум тони смет.

Од општината најавуваат дека и во иднина ќе се вложуваат напори за почиста и поздрава животна средина и апелираат до граѓаните за совесно однесување.