Во МАНУ се одржува трета јавна дебата за нацрт-амандманите на Уставот
- Детали
- Категорија: Македонија
- Создадено: 07 Декември 2018
Во МАНУ денеска се одржува втората од петте јавни расправи за четирите нацрт-амандмани за измена на Уставот на Република Македонија.
На дебата ќе се обратат вицепремиерот задолжен за европски прашања Бујар Османи и министерот за надворешни работи Никола Димитров. Експертски осврт на дебата ќе дадат академик Владо Камбовски и универзитетскиот професор Светомир Шкариќ, а академик Таки Фити ќе го отвори настaнот и ќе ја модерира дискусијата.
Првата јавна расправа за уставните измени се одржа во средата во Владата, а втората вчера на Универзитетот ФОН.
Последните две јавни дебати се закажани за в понеделник во Штип и во Тетово.
По завршувањето на јавните расправи Владата ќе треба да достави Извештај до Собранието, а потоа претседателот на законодавниот дом Талат Џафери за 30 дена да закаже пленарна седница на која е потребно двотретинско мнозинство за финално усвојување на уставните измени.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
