Заев слета на софискиот аеродром поради невремето во Скопје
- Детали
- Категорија: Македонија
- Создадено: 25 Јануари 2019
Авионот со кој леташе премиерот Зоран Заев и дел од владината делегација, кои се враќаа од економскиот самит во Давос, Швајцарија не можеше да слета во Скопје поради снежното невреме и беше пренасочен на аеродромот во Софија, потврди за МИА, претседателот на Управниот одбор и директор во Македонската навигација (М-НАВ), Николче Тасевски.
Од СДСМ за МИА потврдија дека авионот безбедно слетал во Софија и Заев тргнал на пат кон Скопје.
– Причината за пренасочување се интензивните снежни врнежи и немањето услови за слетување на скопскиот аеродром, рече Тасевски.
Премиерот Заев вечерва требаше да присуствува на состанокот на Централниот одбор кој треба да одлучува за отпочнување постапката за номинирање претседателски кандидати и за можноста заедно со претседателските да се одржат и предвремени парламентарни избори.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
