Ендика е добро – Тестовите ја отфрлиле можноста за срцев удар
- Детали
- Категорија: Спорт
- Создадено: 15 Април 2024
Натпреварот меѓу Удинезе и Рома вчера беше прекинат во 72.минута откако фудбалерот на „волчицата“, Еван Ендика колабираше на теренот.
Лекарските екипи на „Фриули“ бргу реагираа, но немаше потреба да користи дефибрилатор, а потоа на носилки го однесоа во соблекувалната.
Италијанските медиуми јавуваат дека тестовите ја отфрлиле можноста за срцев удар.
Се верува дека Ендика бил погоден во градите порано во играта и дека поради тоа имал тешкотии со дишењето.
Сепак, тој остана во болница во текот на ноќта на набљудување, а набрзо со насмевка фудбалерот се огласи на на социјалните мрежи.
Како што пренесува „Скај Спорт“, тренерот на Рома, Даниеле де Роси и капитенот Лоренцо Пелегрини го посетиле Ендика во болница.
„Се е во ред, се е во ред“, им рече Де Роси на новинарите собрани пред болницата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс