1-ва Скопска - МТМ Телевизија

Организаторот на играта на Армани Милано, Серхио Чачо Родригез, го обележа четвртото коло во Евролигата. Чачо го предводеше Армани до победата над својот поранешен клуб Реал Мадрид 78:70.

Шпанскиот репрезентативец натпреварот го заврши со 25 поени и седум асистенции. Со 37 индексни поени тој е најдобриот играч во ова коло.

Родригез беше подобар од Јан Весели (индекс 33) и Брајан Данстон (индекс 30).

Најдобар стрелец во ова коло беше Мајк Џејмс кој во поразот на ЦСКА од Алба постигна 27 поени, додека најдобар асистент е Василиј Зајцев, кој во поразот на Химки од Басконија имаше осум успешни додавања.

Девин Букер и Костас Митоглу со 12 скокови беа најдобри во оваа статистичка категорија.