1-ва Скопска - МТМ Телевизија

ОВР Кочани поднесе кривична пријава до ОЈО Кочани против Ѓ.Б. (32) и Љ.С. (48), двајцата од Кочани поради основи на сомнение за сторено кривично дело убиство.

Полициски службеници од СВР Велес денеска во 02:40 часот го лишиле од слобода З.С.(37) од село Оморани, општина Чашка, поради основи на сомневање дека со употреба на сила влегол во објект на улица „Коле Дрнков“ во Велес, и одзел пари.

На граничните премини Богородица, Дојран и Табановце за излез од државата се чека повеќе од еден час, додека на останатите гранични премини од македонска страна нема подолги задржувања за влез и излез од земјава, информира АМСМ. Продолжениое викенд направи долги редици на граничниот премин Богородица бидејќи голем дел од граѓаните се одлучија да го искористат топлото време во септември и да заминат за Грција.

Во угостителски објект во Градскиот парк во Скопје, денеска во 02:00 часот полициски службеници од Единицата за недозволена трговија при СВР Скопје го лишиле од слобода А.К.Х.(29) од Германија, поради тоа што кај него била пронајдена и одземена прашкаста материја.

На Граничниот премин Табановце, вчера во 14:50 часот полициски службеници го лишиле од слобода К.А.Ј.Б.(49) од Шведска, поради тоа што при извршени проверки во оперативна евиденција било констатирано дека патничкото возило „порше каен“ со шведски национални ознаки, кое тој го управувал, а било сопственост на лизинг компанија, било предмет на потрага од Интерпол – Шведска.

Вчера во 23.50 часот во СВР Струмица било пријавено дека на крстосницата од бул. „Ленинова“ со бул.„Маршал Тито“ во Струмица се  случила сообраќајна несреќа помеѓу мотоцикл „јамаха“ без регистарски ознаки, управуван од Р.У.(18) и патничко возило „фолксваген бора“ со струмички регистарски ознаки, управувано од М.Х.(60) двајцата од Струмица.

Во СВР Скопје вчера во 12:25 часот било пријавено дека на крстосницата од ул.„Васил Главинов“ со ул.„Максим Горки“ во Скопје патничко возило „фолксваген голф“ со скопски регистарски ознаки, управувано од Д.В.(63) удрило во П.Х.(73) двајцата од Скопје.

Венко Филипче пријавил поголем имот како пратеник, отколку кога бил министер. Анкетниот лист на Венко Филипче покажува дека неговиот имот се зголемил за 150.000 евра во период од 2 ипол години. Што правел Филипче за имотот да му се зголеми за цели 150 илјади евра?, изјави Марија Митева, портпарол, пратеник и член на ИК на ВМРО-ДПМНЕ.

Министерството за земјоделство, шумарство и водостопанство (МЗШВ) информира дека вчера во кратовско Таласманци, од страна на Шумската полиција запрено е возило кое превезувало огревно дрво во количина од 8,70 м3, управувано од лице вработено во Шумска полиција за кое по извршена контрола е утврдено дека е со несоодветни исправи и е одземено.

Владата соопшти дека преку Министерството за внатрешни работи го реши проблемот со застојот на издавање на пасоши и други лични документи. Ако пред извесен период за нив се чекаше по неколку месеци, денес, тврдат од Владата, тие се вадат во законскиот рок од 15 дена.

Времето денеска ќе биде сончево со мала до умерена облачност и со слаб до умерен ветер од променлив правец. Попладне на повеќе места ќе биде нестабилно со пороен дожд и грмежи, наместа во форма на невреме со интензивен пороен дожд, грмежи, засилен ветер и појава на град. Минималната температура ќе биде во интервал од 12 до 20, а максималната ќе достигне од 25 до 33 степени Целзиусови.

Во текот на изминатиот ден имаше вкупно 19 пожари на отворен простор, од кои активни се седум, под контрола се три и изгаснати се девет, информираат од Центарот за управување со кризи.