Надал: Го почитувам Ѓоковиќ, но никој не може да биде поголем од АО

Шпанскиот тенисер Рафаел Надал, во Мелбурн, рекол дека ниту еден играч не е поголем од Австралија опен.

Шпанецот, ја коментирал ситуацијата во која се наоѓа освојувачот на девет трофеи на гренд-слемот во Мелбурн, јасно ставајќи до знаење дека не се согласува со светскиот број 1.

„Морам да кажам една работа – јасно е дека Новак Ѓоковиќ е еден од најдобрите играчи во историјата на тенисот. Тука не постои сомнеж. Но не постои играч во историјата кој е поважен од натпреварувањето. Никој, ниту Роџер, ниту јас, ниту Новак, ниту Бјерн Борг, кој беше неверојатен во периодот кога играше. Австралија опен е поважен од било кој тенисер“, рекол Надал, дополнувајќи дека не се согласува со многу работи и дека му е сеедно дали Ѓоковиќ ќе игра.

„Доколку добие дозвола да игра ќе биде ОК. Ако не добие дозвола да игра, турнирот и без него ќе биде одличен. Така јас гледам на работите. Навистина многу го почитувам и покрај тоа што не се согласувам со многу работи што ги направи во изминатите години“.

Надал е шести носител на турнирот. Доколку Ѓоковиќ не биде депортиран, можно е да се сретнат во полу-финалето.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.