1-ва Скопска - МТМ Телевизија

„Центарски улици 3 – Светски ден на уметноста“ е настан што ќе се случи на улица Македонија на 15 април со почеток од 17 часот.

На „Центарски улици 3 – Светски ден на уметноста“ ќе имате можност одблиску да видите голем број уметности, кои широко ќе ја распостелат својата креативност по должината на улицата Македонија.

Ќе настапат улични живи статуи од продукцијата „Театроск“, во живо ќе сликаат учениците од Државното средно училиште „Лазар Личеноски“, ќе има и диџеј-сетови, ќе се одигра кореодрамата „Самоти(и)ја“ со Енџи Николоска и Бојан Лазаров, а ќе се одржи и подвижниот акт именуван „Заедно“, кој ќе се создаде на работилницата на пантомима и уличен театар, акт поддржан од Делегацијата на ЕУ во Република Северна Македонија (ЕУ за тебе).

Актот „Заедно“ e создаден на Едукативна работилница за пантомима и уличен театар, во кој учествуваат претежно натуршници, премиерно ќе биде изведен на настанот „Центарски улици 3 – Светски ден на уметноста“ на 15 април со почеток од 18 часот на улицата Македонија во Скопје.

„Заедно3 е акт што обединува различности во една целина и има задача да испрати силна и гласна порака преку молчаливата уметност – пантомимата, колку е важно заедништвото во времиња кога за тоа најгласно треба да зборуваме обединети бидејќи, без заедништво, не сме тргнати кон никаде.

„Центарски улици 3 – Светски ден на уметноста“ е проект поддржан од прогрмата за култура на Општина Центар за 2025 година.