Концертна промоција на Rush To Relax во МКЦ
- Детали
- Категорија: Култура
- Создадено: 30 Декември 2019
Вечерва во МКЦ со почеток од 21 часот ќе се одржи концертна промоција на истоимениот деби албум на Rush to Relax.
Rush to Relax е соло проект на Дамјан Маневски, некогаш дел од битолското трио Молокаи, денес тој живее и работи во Љубљана. По неколку неуспешни обиди за бенд, Дамјан се впушта во соло авантура.
Rush to Relax го преточува глобалното рокенрол наследство во топлината и интимата на домашната кујна, со растеретен DIY пристап. Готви со тоа што има: гитара, вокал, матрици и онаа тајна состојка. Иако проектот е насловен според последниот албум на Eddy Current Suppression Ring, музичкиот израз е поблизок до современите соло проекти како Itchy Bugger, Escap-ism или Васко Атанасоски.
Истоимениот деби албум (достапен на касета и дигитално) излезе во септември, во издание на Look Back and Laugh.
Вечерта ќе ја отвори Јоана Ристеска со мал концерт за класична гитара.
Билетите се достапни на билетарница и oнлајн.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс