Македонскиот џез состав Сетстат ќе настапи на фестивалот Аларма панк-џез во Софија
- Детали
- Категорија: Култура
- Создадено: 20 Април 2022
Сетстат, препознатливата македонска група која свири современ џез, ќе одржи свој концерт на сцената на „Софија лајв клуб“ на 20 април 2022, по отворањето на вратите од 20:00 часот.
Владан Дробицки - тромбон, Васко Бојаџиски - тенор и алт саксофон, Панче Бујуклиев - клавијатури, Павел Дробицки - бас и Гоце Наумов - тапани ќе ги свират за прв пат пред публика композициите од нивниот единаесетти албум. Албумот излегува наскоро (околу 20 април 2022) со етикетата на PMG Jazz.
Концертот е втора епизода од серијата на "Аларма Панк-Џез" фестивалот на Бугарското Национално Радио, посветенa на размената и зближувањето на џез сцените од Бугарија и Северна Македонија, на којшто партнер по традиција е и Културно-информативниот центар на Република Северна Македонија во Софија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
