![](/images/Fotografii_46/napad_so_noz.jpg)
ОЈО за двојното убиство: Сопругот ја тепал, па зела нож и ги убила него и свекорот
- Детали
- Категорија: Македонија
- Создадено: 15 Јуни 2024
![](/images/Fotografii_46/napad_so_noz.jpg)
Основното јавно обвинителство Куманово донесе Наредба за спроведување истражна постапка против 36 – годишна жителка на Кратово, осомничена дека сторила кривичнo делo – Убиство од член 123 став 3 во врска со став 2 точка 2 од Кривичниот законик.
Јавното обвинителство денеска соопшти дека при вршење семејно насилство вчера осомничената со умисла ги лишила од живот сопругот и свекорот.
По претходна вербална расправија, сопругот физички ја нападнал осомничената, удирајќи ја со тупаници во пределот на главата и телото, а потоа со рацете ја фатил за вратот и почнал да ја дави. Таа успеала да се тргне и од кујната зела кујнски нож со кој најпрвин го прободела сопругот, а потоа и неговиот татко. Од повредите тие починале на лице место.
По предлог на јавниот обвинител, судијата на претходна постапка и определи 30-дневен притвор на осомничената.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
![](http://iab.mk/wp-content/themes/iab/img/badges/crn/IAB-Badge-black-S.png)
Сите статии објавени на МТМ.мк се во согласност со ИАБ етичкиот кодекс
![](../images/sovet-za-etika.jpg)