1-ва Скопска - МТМ Телевизија

„Добар ден од овде, од Гази Баба, од ООУ ‘Стив Наумов’. За мене, претставува навистина прекрасен ден затоа што некако денот на својот почеток почнува со одбележувањето на учебната година иако симболично тоа би требало да биде на 1 септември, но бидејќи таков е календарот, почнуваме од 2 септември“, рече премиерот Христијан Мицкоски.

„На мое огромно задоволство можам да кажам дека оваа енергија што денеска ја почувствував овде е прекрасна, дека дечињата желни за наука и желни за образование почнуваат да го чекорат својот образовен пат, зборувам за првоодделенчињата, за сите оние други тоа е веќе дополнително искуство, возбудени родители со многу убава позитивна емоција, нашата порака денеска е да имаат успешен прв училиштен час, школски час, и она што треба да го знаат е дека во животот ништо не доаѓа веднаш и ништо не доаѓа лесно, за сè треба многу напор, за сè треба многу труд да се вложи за да дојдеме до целта што сакаме да ја постигнеме. Јас можам да им посакам многу убави школски денови, многу нови другарчиња и, нормално, сè што сакаат во животот да им се исполни и да работат на тоа да им се исполни бидејќи тоа се смислата и убавината на животот“, посочи Мицкоски и додаде:

„Се сеќавате пред десет-петнаесет години кога зборувавме за компјутер за секое дете, денеска се радувам на максимата учебник за секое дете, но тоа е пак подобро од она што беше, што би рекол еден поранешен политичар во власта, како до сега принципот, сега не е како до сега во минатото, сега имаме нова ситуација, тоа е добра ситуација за учениците бидејќи ќе имаат учебници од кои ќе може да учат и да научат“.