Полицијата го најде возачот кој усмрти 78-годишна жена во Марино и побегна
- Детали
- Категорија: Македонија
- Создадено: 03 Ноември 2024
Вчера во 17.25 часот во СВР Скопје било пријавено дека на крстосницата од ул.„500“ и ул.„401“ во село Марино, скопско, патничко возило „хонда цивик“ со скопски регистарски ознаки, управувано од И.С. (46) од населба Илинден удрило во пешакот В.Н. (78) од село Марино. Возачот по сообраќајката го напуштил местото на настанот.
Во несреќата од здобиените тешки телесни повреди на местото на настанот починала В.Н., а лекар од Итната медицинска помош констатирал смрт. По насоки на јавен обвинител телото на почината било предадено на обдукција. Извршен бил увид од јавен обвинител и увидна екипа од СВР Скопје.
Полициски службеници од полициското одделение Петровец по преземени мерки го пронашле возачот и сопственикот на патничкото возило.
По целосно документирање на случајот ќе следува соодветен поднесок, велат од полицијата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
