За еден ден двајца пешаци завршија во болница, МВР изврши увид
- Детали
- Категорија: Македонија
- Создадено: 18 Ноември 2024
Двајца пешаци во текот на вчерашниот ден се здобиле со тешки повреди кога во нив удриле автомобили, во Делчево и Скопје.
Првата несреќа се случила вчера во 16 часот во Сарај, кога автомобил удрил во 51-годишна жена.
„Патничко возило „бмв“ со скопски регистарски ознаки, управувано од И.Ј.(58) од селото Глумово, скопско, удрило во С.С.(51) од Сарај. Во несреќата со тешки телесни повреди се здобила С.С., констатирани во Градската општа болница „Св.Наум Охридски“ во Скопје“, соопшти МВР.
Околу два часа подоцна, пешак настрада и во Делчево. СпоДред информациите на полицијата, на улицата Светозар Марковиќ во Делчево, автомобил „шкода“ со делчевски регистарски ознаки, управуван од З.О.(48), удрил во пешакот Т.А.(57), двајцата од Делчево. Во несреќата со тешки телесни повреди се здобил пешакот, констатирани во Клиничката болница Штип.
Извршен е полициски увид на двете места.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
