Седум години СДСМ не успеа ни 1 oтсто да го намали загадувањето, реагира ВМРО-ДПМНЕ
- Детали
- Категорија: Македонија
- Создадено: 28 Декември 2024
Седум години СДСМ не успеа ни 1 oтсто да го намали загадувањето, реагира ВМРО-ДПМНЕ по прес-конференцијата на која Катја Шукова од опозициската партија ја обвини власта дека не презема ништо за загадениот воздух.
Од ВМРО-ДПМНЕ велат дека нивните прес-конференции каде што критикуваат за загадувањето на воздухот, се крајно лицемерни.
„СДС со нивниот криминален партнер ДУИ, наместо да се занимаваа со намалување на загадувањето на воздухот, тие гледаа како повеќе да го наполнат својот џеб. За разлика од нив, Владата предводена од ВМРО-ДПМНЕ преку конкретни чекори ќе се бори против загадувањето на воздухот. Некои од мерките се, субвенции за инвертер клими, финансиска поддршка за еколошки технологии, пошумување и забрзана гасификација, како и иновативни решенија за одржлива иднина“, се вели во реакцијата.
ВМРО-ДПМНЕ дополнително уверува дека се грижи за граѓаните и работи во нивен интерес.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
