1-ва Скопска - МТМ Телевизија

Жена загина на скопската обиколница во несреќата што се случи синоќа.

Од Обвинителството по увидот соопштија дека се утврдуваат точните причини и околности под кои се случил настанот, но според првичните сознанија, починатата е женско лице, кое или се движело пеш по автопатот или паднало од надвозникот на коловозот. Во тој момент, во ноќни услови на намалена видливост на патот, на неа налетал автомобил кој се движел по обиколницата. Возачот на автомобилот е алкотестиран веднаш по несреќата, при што не е утврдено дека управувал со возилото под дејство на алкохол.

Издадена е наредба за обдукција на телото на починатата, прибрани се траги и материјални докази кои ќе бидат предмет на вештачење.

Се разговара и со очевидци на настанот, со цел да се испитаат сите околности.