
Да се извинат Филипче и СДС што го лажеa народот дека Бугари во Уставот се единствениот услов за напредок на државата, вели ВМРО-ДПМНЕ
- Детали
- Категорија: Македонија
- Создадено: 17 Април 2025

Бугарскиот министер за надворешни работи, Георг Георгиев изјави „уставните измени не се единствениот услов, тогаш допрва почнува процесот”. Оваа негова изјава значи врел шамар за СДС, Венко Филипче и целата надворешна политика на оваа партија која се заосноваше на тезата дека уставните измени се единствениот услов кој треба да се исполни, велат од ВМРО-ДПМНЕ.
„Уставните измени се единствен услов за продолжување на нашиот пат кон ЕУ. Продолжувањето на преговорите со ЕУ не зависи од извештајот на ЕК, туку од уставните измени. Единствен услов за отворање на првиот кластер се уставните измени“, се зборовите со кои Бојан Маричиќ лажеше и ја убедуваше македонската јавност, дека “Бугари” во Устав се последната кнедла која треба да се проголта“, потсетуваат од партијата на власт.
Додека, како што велат, ВМРО-ДПМНЕ бараше гаранции и уставни измени со одложено дејство, СДС повторно „не убедуваше дека нема опасност од ново вето од Бугарија“.
„И претседателот Христијан Мицкоски, јасно посочуваше дека смената на уставот е само почеток на барањата, СДС пак лажеше дека тоа не е точно.
СДС ја заплеткаа државата во чвор, го лажеше народот и ги распродаваше државните и национални интереси без око да му трепне.
Каде е сега Венко Филипче да ја убедува јавноста дека уставните измени се единствениот услов за напредок?
Ќе се извинат ли што ја лажеше јавноста?“, прашуваат од партијата на власт.
Според нив, СДС е синоним за неспособност, криминал и предавства.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс
