1-ва Скопска - МТМ Телевизија

Лозарите од Тиквешко веќе ги кројат лозите. Велат дека не можат да го чекаат верскиот празник „Свети Трифун” уште два месеца, кога вообичаено на симболичен начин, традиционално почнува резидбата.

-Во Тиквешијата кроењето симболично стартува на 14 февруари, бидејќи „Свети Трифун” се смета за заштитник на производителите на грозје. Но, голем дел од лозарите мораат да брзаат со оваа операција и не можат да го чекаат празникот зашто имаат големи лозови плантажи и нема да стигнат да завршат со резидбата, вели за МИА претседателот на Здружението „Напредни лозари”, Трајче Кулев.

Но, со кроењето се брза и зашто тешко се наоѓаат аргати.

– Голем број од сезонските работници кои порано се ангажираа во лозарството, сега се вработени во германската фабрика и тешко се наоѓаат аргати, вели Кулев.