Во Кумановскиот Центар за социјални работи почна годишната обнова на права од детска заштита
- Детали
- Категорија: Македонија
- Создадено: 14 Јануари 2019
Почна годишната обнова на права од детска заштита, детски додаток, посебен додаток и родителски додаток за трето и четврто дете, соопштија денеска, од Јавната установа Меѓуопштински центар за социјална работа Куманово.
Барањата се поднесуваат согласно Законот за заштита на децата. Обновата на правото на родителски додаток за трето и четврто дете ќе трае до 31. март годинава, а освен барањето треба да се достават и лична карта на носителот на правото на увид, уверение од Основниот Суд дека не му е одземено родителското право, копија од картон за имунизација, потврда од училиште за третото родено дете.
Согласно член 4 од Законот за изменување и дополнување на Законот за заштита на децата и соопштението на Државниот завод за статистика, има корекции, односно зголемување на износот на правото на посебен додаток, при што висината на посебниот додаток за 2019 година ќе изнесува 5.096 денари, посебниот додаток за самохран родител ќе изнесува 7.644 денари додека за материјално необезбедени родители кои се корисници на социјална парична помош и постојана парична помош ќе изнесува 6. 370 денари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
