Се чистат патиштата во источна и југоисточна Македонија
- Детали
- Категорија: Македонија
- Создадено: 14 Јануари 2019
Новиот снежен бран во источна и југоисточна Македонија нема да создаде проблеми на магистралните и регионалните патишта, смета раководителот на регионалната подружница на ЈП „Македонија пат"-Штип Кире Коцев.
– На терен имаме 25 камиони, од кои дел се наши, а дел од трети лица. Постојано се фрла сол и ризла на патиштата, по кои се вози во моментов по чисти коловози, вели Коцев.
Тој додава дека веќе на шесте пунктови во источна и југоисточна Македонија се пристигнати дополнителни количини од ризла и сол, од кои околу нови 25 тони сол и над 300 метри кубни ризла. Во текот на викендот се исчистени и регионалните патни правци од четврти приоритет, кои се на барање на ЈП за државни патишта. Станува збор за патиштита кон планината Плачковица, како од страната на Штип, така и од страната на Радовиш, а исто така е расчистен и патот кон светниколското село Мечкуевци.
Коцев апелира внимателно да се вози, бидејќи поради ниските температури на одредени места можна е и појава на голомразица. Забележува дека солта не реагира на температура којашто е над минус седум степени. Опасност од одрони, токму поради ниските темпеартури на патиштата нема, а ќе се појават по топењето на снегот, односно зголемувањето на температурите.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс