ДЗС со апел до граѓаните да не палат оган на отворен простор
- Детали
- Категорија: Македонија
- Создадено: 19 Март 2019
Дирекцијата за заштита и спасување поради зачестените полски и шумски пожари апелира до граѓаните да не палат оган на отворен простор и да не фрлаат отпушоци од цигари и догорчиња.
– Апелот посебно се однесува на земјоделците кои интензивно се подготвуваат за пролетната сеидба и ги чистат и палат отпадоците и стрништата на нивите. Апелот се однесува и за оние кои се движат и работат во шумите, на излетниците, но и на сите граѓани, зашто доволно е само мала искра за да се потпали сувата трева или околната нискостеблеста вегетација, велат од ДЗС.
Оттаму препорачуваат доколку граѓаните забележат пожар на отворен простор, да го пријават во надлежните институции.
Дирекцијата за заштита и спасување, како што се наведува во соопштението, ја следи ситуацијата со пожарите во државата и соодветно реагира.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
