Натпревар по ораторство на Битолскиот универзитет
- Детали
- Категорија: Македонија
- Создадено: 26 Март 2019
Универзитетот „Св. Климент Охридски"-Битола во пресрет на Денот на основањето, кога ќе одбележи 40-годишен јубилеј, објави конкурс за четвртиот натпревар во ораторство, годинава на тема: „40 години УКЛО: Дигитална (р)еволуција".
Натпреварот ќе се одржи на 19 април, а право на учество имаат само студенти од УКЛО-Битола. За време на говорот натпреварувачите ќе може да користат белешки или мултимедијална анимација. Најдобрите ќе бидат наградени.
-УКЛО-ТРИВИУМ е натпревар и можност студентите да ги подобруваат вештините за јавно говорење, аргументирано и структурно изразување. Говорите кои ќе се интепретираат треба да бидат оргинални и претходно необјавувани, информираше Секторот за односи со јавност на Битолскиот универзитет.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
