Грчкиот заменик-министер за надворешни работи Куик во посета на Скопје
- Детали
- Категорија: Македонија
- Создадено: 15 Април 2019
Заменик-министерот за надворешни работи на Грција задолжен за грчката дијаспора Теренс Николаос Куик денеска и утре престојува во работна посета на Република Северна Македонија, во рамки на која е предвидено да се сретне со министерот за надворешни работи Никола Димитров.
На средбата со Димитров, како што информираат од МНР, предвидено е да бидат разменети мислења за развојот на односите и соработката меѓу двете земји по потпишувањето на Договорот од Преспа и последната посета на премиерот на Грција Алексис Ципрас, на нашата држава.
Во рамките на посетата предвидено е заменик-министерот Куик да биде примен и од премиерот Зоран Заев, а треба да оствари средби и со министерот без ресор задолжен за дијаспора Едмонд Адеми, како и со заменик-министерот за надворешни работи Андреј Жерновски, информираат од МНР.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
