Катица Јанева се врати на работа, нема добиено покана за распит во ЈО
- Детали
- Категорија: Македонија
- Создадено: 12 Август 2019
Специјалната јавна обвинителка Катица Јанева е вратена од годишен одмор и од денеска е официјално на работа, но засега не е повикана да даде исказ во Јавното обвинителство за случајот „Рекет“.
Од СЈО за МИА потврдуваат дека Катица Јанева денеска се јавила редовно на работа, по завршување на годишниот одмор и дека се уште нема добиено никаква покана од Јавното обвинителство да се јави на распит.
Во снимените разговори и видеата што ги објави интернет изданието на италијанскиот весник „Ла Верита“, а во врска со случаите „Рекет“ и „Империја“ беа споменати СЈО, Катица Јанева и обвинителката од СЈО Лиле Стефанова.
Стефанова, која го води предметот „Империја“, е повикана утре во Јавното обвинителство да даде исказ за случајот „Рекет“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс