Обвинителот Бурим Рустеми повикан во ОЈО за „Рекет“
- Детали
- Категорија: Македонија
- Создадено: 14 Август 2019
Обвинителот Бурим Рустем од Специјалното јавно обвинителство е повикан да даде исказ во Обвинителството за организиран криминал за случајот „Рекет“.
Од Јавното обвинителство за МИА потврдија дека обвинителот Рустеми е повикан, но поради утрешното судење за „ТНТ“ каде тој го застапува обвинението, се уште не е прецизирано точно време, кога ќе биде сослушан.
Во Обвинителството за организиран криминал од почетокот на неделава искази за случајот „Рекет“ дадоа специјалните обвинителки Лиле Стефанова и Елизабета Јосифовска.
Обвинителката Лиле Стефановска заедно со нејзината шефица Катица Јанева беа спомнати во снимените разговори и видеата што ги објави интернет изданието на италијанскиот весник „Ла Верита“, а во врска со случаите „Рекет“ и „Империја“.
Од ЈО засега не откриваат дали и кога ќе биде повикана и Јанева.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
