Десет стипендии за постдипломски студии за најдобрите студенти на пет факултети на УКИМ
- Детали
- Категорија: Македонија
- Создадено: 23 Август 2019
Десет стипендии за постдипломски студии за најдобрите студенти ќе добијат Машинскиот, Технолошко-металуршкиот, Природно-математичкиот и Економскиот факултет, како и Факултетот за електротехника и информациски технологии.
Ова го овозможува Меморандумот за соработка што денеска го потпишаа ректорот на Универзитетот „Св. Кирил и Методиј“, Никола Јанкуловски и главниот извршен директор на ОКТА, Јанис Геруланос. Секој од факултетите ќе добие по две стипендии.
По потпишувањето на Меморандумот во Ректоратот на Универзитетот, проф. д-р Јанкуловски рече дека на овој начин компанијата симболично ги отсликува и сопствените потреби и кадровските приоритети. Посочи дека со потпишувањето на Меморандумот се гради и се зајакнува врската меѓу Универзитетот, бизнис секторот и општеството.
– На овој начин Универзитетот ќе може успешно да ја извршува својата функција во насока на развој и унапредување на општеството. Само така Универзитетот како витален центар за создавање високо квалитетни и стручни кадри ќе продолжи да ги исполнува високите стандарди за нивно вклучување во пазарот на трудот и ќе ги следи потребите на стопанството, додаде проф. д-р Јанкуловски.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
