На Денот без автомобили се играше хокеј низ улиците во Тетово
- Детали
- Категорија: Македонија
- Создадено: 22 Септември 2019
Играње хокеј, изведба на музички точки, прегледи за висина и тежина, возење велосипеди, штандови и слични активности денеска се изведоа на коловозните ленти на булеварот „Илирија“ (поранешен Маршал Тито) во Тетово по повод одбележувањето на 22 септември – Светскиот ден без автомобили. Булеварот беше затворен за сообраќај за да можат учесниците да ги спроведат активностите.
– Општина Тетово како општествено-одговорна општина и во овој период од годината го организира по втор пат настанот – Ден без автомобили со затворање на една или повеќе улици за сообраќај и ги отвора улиците за пешаци и велосипедисти. Одбележувањето на овој ден треба да ги поттикне граѓаните да замислат еден поинаков град кој ќе биде во функција на луѓето, а не на автомобилите, изјави Беким Мемети, претседател на Советот на Општина Тетово.
Активностите ги изведоа средношколците од сите средни училишта во Тетово.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
