Русија тврди дека не им помогналa на САД во акцијата против лидерот на ИД
- Детали
- Категорија: Македонија
- Создадено: 27 Октомври 2019
Руското Министерство за одбрана соопшти дека не знае ништо за каква било помош на американските авиони во воздушниот простор на Идлиб, каде била спроведена акцијата за ликвидација на лидерот на терористичката Исламска држава, Абу Бакр ал-Багдади.
Портпаролот на Министерството, Игор Конашенков оцени дека и убиството на Ал Багдади нема многу да влијае на ситуацијата во Сирија.
„Откако ИД беше поразена од страна на силите на сириската Влада и со поддршка на руските воздушни сили на почетокот на 2018 година, уште една смрт на Абу Бакр ал-Багдади нема да има влијание ниту на ситуацијата во Сирија, ниту на акциите на терористите кои останаа во Идлиб“ вели тој.
Ваквата изјава доаѓа како реакција на изјавата на американскиот претседател Доналд Трамп, кој на прес-конференција рече дека Русија на американските авиони им го отворила воздушниот простор кој го контролира над сириските територии.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
