Над 20.000 граѓани се пријавиле за бесплатна вакцинација против сезонскиот грип
- Детали
- Категорија: Македонија
- Создадено: 23 Ноември 2019
Министерството за здравство информира дека до вчерашниот ден закажани се 20.069 граѓани за бесплатна вакцинација за наредните денови во трите поликлиники Букурешт, Чаир и Ѓорче Петров во рамки на Здравствениот дом во Скопје и низ центрите за јавно здравје во целата држава.
Од институцијата истакнуваат дека во моментов има доволно колични на вакцини за сите оние кои сакаат бесплатно да се вакцинираат, а дополнително, треба да пристигнат и 14.400 дози од вакцините.
„Во понеделник следува нов пресек со состојбата за закажаните термини за бесплатна вакцинација и ќе се пуштат сите останати термини“, нагласуваат од Министерството и додаваат дека здравствените установи се добро организирани и има одзив од граѓаните за вакцинација.
Здравство апелира до граѓаните да се вакцинираат против сезонскиот грип, да го заштитат како своето здравје, така и колективното.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс