Тројца починати и 30 новозаболени од коронавирус
- Детали
- Категорија: Македонија
- Создадено: 17 Мај 2020
Во изминатите 24 часа починале тројца пациенти заболени од коронавирус, а регистрирани се 30 нови случаи на зараза.
На Клиниката за инфективни болести и фебрилни состојби починаа пациент од Велес (58г) примен на 12 мај, пациент од Тетово (57г) лекуван на клиниката од 22 април и уште еден пациент од Тетово (78г) хоспитализиран на 11 мај.
Во изминатите 24 часа направени се 426 тестирања, а регистрирани се 30 нови случаи на ковид-19 и тоа во: Скопје-11, Куманово-2, Штип-1, Прилеп-3, Тетово-6, Велес-5, Битола-1, Охрид-1. Досега во земјата се направени вкупно 21436 тестирања на ковид-19.
Денеска Институтот за јавно здравје регистрира 26 оздравени пациенти - Скопје 1, Куманово 14, Прилеп 4, Тетово 3, Велес 4.
Вкупната бројка на ковид дијагностицирани во нашата земја од почетокот на епидемијата изнесува 1792, бројката на оздравени пациенти е 1293, на починати е 101, а во моментов бројот на активни случаи во земјата изнесува 398.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
