Османи: Информацијата за одржување на пописот и неговата важност мора да стигне до секој
- Детали
- Категорија: Македонија
- Создадено: 15 Март 2021
Министерот за надворешни работи, Бујар Османи, вели дека нема информација за потенцијален бојкот на пописот од македонската дијаспора.
„ Во оваа фаза е најважно сите да работиме, секој преку своето влијание да стигне информацијата до нашите граѓани“, вели Османи.
Тој сепак не ја исклучува можноста за бојкот од некои иселеници.
„ Веројатно постојат повеќе причини за степенот на заинтересираност на нашата популација, не би оценил дали е тој слаб или голем“, вели Османи.
Според податоците, засега Канада и Австралија имаат послаб одзив на попишување.
„ Не можам да прејудицирам дали има некои други причини кои може да бидат основа за таквиот одзив“, вели Османи.
Тој порачува дека сега целата енергија треба да биде во функција да стигне информацијата до граѓаните дека има попис.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
