Филипче: Сите граѓани на Скопје над 40 години добија термини за вакцинација
- Детали
- Категорија: Македонија
- Создадено: 16 Мај 2021
Министерот за здравство Венко Филипче во објава на социјалните мрежи вели дека сите граѓани на Скопје над 40 години добиле термини за вакцинација.
Тој известува дека во следните три дена термини ќе добијат и останатите граѓани во земјава кои се над 40 годишна возраст.
„Термини за вакцинација добија сите граѓани над 40 годишна возраст од Скопје кои до 30.04.2021 изразиле желба за вакцинирање преку веб страницата http://www.vakcinacija.mk. Во текот на следните три дена и од останатите градови во земјава, термини за вакцинирање ќе добијат граѓаните над 40 годишна возраст кои до крајот на април изразиле желба за вакцинирање на http://www.vakcinacija.mk.“, пишува Филипче на Фејсбук.
Тој потсети дека од вчера почна вакцинацијата и на пациентите кои се на дијализа, како и пациентите со трансплантација.
Имунизацијата во државата се одвива со засилено темпо, најлесен начин да се вакцинирате е со пријавување на http://www.vakcinacija.mk, напиша министерот за здравство.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс