Постапка против градоначалникот на Јегуновце поради инцидент во општинската зграда
- Детали
- Категорија: Македонија
- Создадено: 13 Јануари 2022
Секторот за внатрешни работи Тетово изготви и до тетовскиот суд поднесе барање за поведување прекршочна постапка против актуелениот градоначалник на општина Јегуновце, 44-годишниот Д.К. од тетовско Туденце, информираат од МВР.
Според пријавеното, тој во претпладневните часови на 5 јануари во Архивата на општинскиот објект, најпрво вербално се расправал со М.М.(69) од Скопје, управител на приватна фирма, му ги зел, ги стуткал и фрлил документите на една од масите и го истуркал од просторијата.
М.М. бил повикан во општината да достави фактури за претходно извршени услуги за општината, односно поради нерасчистени должничко-доверителни односи, посочуваат од МВР.
До Основниот суд Тетово поднесено е и барање за поведување на прекршочна постапка и против 69-годишникот од Скопје кој, според пријавеното, го навредувал и му се заканувал на градоначалникот на Јегуновце.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
