1-ва Скопска - МТМ Телевизија

Многу ни е жал што СДС нема отчет за ниту една општина каде се власт. Нема отчет ниту за Центар, ниту за Струмица, ниту за Делчево, Берово и останатите општини. Ако имаа отчет ќе можевме да се споредиме во сработеното, наместо да се служат со лаги и манипулации, реагираат од страна на ВМРО-ДПМНЕ на прес-конференцијата на Васко Кичевски од СДСМ.

„За она што не е сработено за Град Скопје може да и се обратат на Данела Арсовска на една од многуте тајни средби кои ги имаат каде и даваат поддршка. Токму нејзината неработа е главната причина за губење на поддршката од ВМРО-ДПМНЕ. Причината зошто СДС се насочува кон Град Скопје а не општините раководени од градоначалниците на ВМРО-ДПМНЕ е поради тоа што и СДС знае дека во тие општини има сработено многу проекти“, се истакнува во реакцијата.

Што се однесува за сработеното на ВМРО-ДПМНЕ, од партијата велат дека тоа го потврдуваат проектите, училиштата, улиците, булеварите, градинките кои се градат, а се во износ од над 120 милиони евра.