1-ва Скопска - МТМ Телевизија

Ако и вие уживате во слатките задоволства, и сакате да експериментирате со нови вкусови, ова е идеален десерт за вас.

Потребни состојки:

1 ипол чаша мелени бисквити

1 лажица стопен путер

1 ипол чаша шлаг

1 чаша крем сирење

половина чаша шеќер во прав

1 лажица екстракт од ванила

1 ипол чаша сецкани јагоди

1 лажица сок од лимон

1 лажица вода

На висока температура варете ги јагодите со лимоновиот сок и малку вода. Една минута варење е доволна, со оглед на тоа дека јагодите многу брзо ќе пуштат сок.

Сварените јагоди смелете ги и ставете ги да отстојат во фрижидер 5 минути.

Шлагот, крем сирењето, шеќерот во прав и екстрактот од ванила измешајте ги со миксер додека не добиете хомогена смеса.

Изблендирајте ги бисквитите и во нив додадете го истопениот путер. Бисквитите со путерот ставете ги на дното на чашата, а потоа со помала чаша притиснете ги бисквитите.

Врз нив додајте ја смесата од шлаг и сирење. Оладените јагоди додајте ги на врвот од чашата.