1-ва Скопска - МТМ Телевизија

Џафар Џексон доби улога на својот покоен чичко, Мајкл Џексон, во претстојниот биографски филм, кој ќе го документира животот на поп-пејачот.

Џафар, кој е син на Џермејн, братот на Мајкл Џексон, е најавен како дел од актерската екипа на филмот.

Антоан Фукуа, кој го режира биографскиот филм „Мајкл“, рече дека е „се гордее што го најавува Џафар како Мајкл и дека тоа е кинематографски настан што го истражува патувањето на човекот што стана крал на попот“.

Датумот на премиера на „Мајкл“ сè уште не е објавен, но Фукуа напиша дека „доаѓа набргу“.

Џафар на социјалните мрежи напиша:

„Чест ми е што можам да ја оживеам приказната на мојот чичко Мајкл. До сите фанови во светот, се гледаме набргу“.