Лео ди Каприо го прослави роденденот, на забавата само одбрани имиња од холивудската елита
- Детали
- Категорија: ШоуБиз
- Создадено: 12 Ноември 2024
Холивудскиот актер Леонардо ди Каприо го прослави својот 50-ти роденден. Во оваа прилика тој одржа голема забава во својата приватна резиденција во Лос Анџелес, каде што го придружуваа само одбрани имиња од светската елита.
На забавата дојде и колегата на Ди Каприо, Бред Пит, придружуван од неговата девојка Инес Де Рамон. Покрај него, меѓу гостите беа и режисерот Стивен Спилберг и неговата сопруга Кејт Капшо, како и актерот Роберт ДеНиро.
Покрај сите нив, Ди Каприо беше придружуван од познати личности како Кејти Пери и Орландо Блум, Џејми Фокс, Парис Хилтон, Марк Руфало, Кара Делевињ, Крис Рок, Тоби Мегваер и Џос Стоун.
На оваа роденденска забава присуствуваше и колешката на Ди Каприо од Титаник, Кејт Винслет. Заедно со неа, меѓу елитните гости беа и ММА борецот Чак Лидел, Бенисио Дел Торо и Едвард Нортон.
Според пишувањата на медиумите, за роденденското момче пеел и легендарниот Стиви Вондер.
Присутно беше и семејството на Леонардо. Неговиот татко Џорџ ди Каприо ја донел сопругата Пеги, додека мајката на Лео, Ирмелин, го донела нејзиниот сопруг Дејвид Вард. Големиот ден на актерот го засили и неговата 26-годишна девојка Виторија Серети, италијанска манекенка која беше поврзувана со Ди Каприо во последните неколку месеци.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
