1-ва Скопска - МТМ Телевизија

Дури и пред да се појави официјалната информација дека Џенифер Лопез и Бен Афлек се разведуваат, долго време имаше шпекулации дека не е сè како што треба меѓу нив.

Тие разочараа многу фанови со разводот, а потоа почнаа многу други натписи. Афлек наводно поминува сè повеќе време со својата поранешна сопруга Џенифер Гарнер, но Џеј Ло откри и дека е подготвена за нова љубов.

Сепак, темата за нивниот развод е сè уште актуелна, а како причина за разделбата се наведуваат непомирливи разлики.

Во интервју за „Ел паис“, Џеј Ло откри како им кажала на своите деца дека се разведува.

„Имав навистина тешка година. Се случија неочекувани работи. Читав многу книги и работев многу на тоа да се запознаам себеси. Медитирав, се молев многу. Сакав да го подобрам мојот однос со Бога и цврсто да ја поврзам семејната единица, која ја сочинуваат моите деца и јас, моите близнаци“.

Лопез продолжи: „Им реков: ‘Ви ветувам, ова е тежок период, но ќе видите дека кога сè ќе заврши, ќе излезам посилна и подобра’. Им го ветив тоа – и го исполнив. Сега и тие го чувствуваат тоа и тоа ми носи мир“.

„Прочитав многу книги за детството, за бракот, за врските и разните стилови на љубов, за мозокот, за науката… Во текот на годините поминав низ индивидуална терапија, брачна терапија, семејна терапија. Пробав сè, секогаш барам нешто. Мислам дека клучот е да се запознаеш себеси“.

Џенифер исто така истакна дека разводот е тежок период, но дека е многу поважно како се однесува човекот во тие моменти и што носи со себе како искуство.