Мајкл Џеј Фокс настапи заедно со Стинг на хуманитарна гала
- Детали
- Категорија: ШоуБиз
- Создадено: 25 Октомври 2021
Мајкл Џеј Фокс излезе на сцената за да настапи заедно со рок легендата Стинг на галата за собирање средства за истражување на Паркинсонова болест во Њујорк во саботата.
60-годишниот актер беше на сцената со музичката икона (70) на неговиот настан за прибирање средства, A Funny Thing Happened on the Way to Cure Parkinson, што се одржа во салата „Фредерик П. Роуз“ во центарот „Линколн“.
Настанот го водеше Денис Лири, а настапи и Бред Пејсли. Други значајни имиња меѓу присутните беа режисерот Спајк Ли, актерките Џулијан Мур и Џулијана Маргулис, и НБА ѕвездата Блејк Грифин.
Ѕвездата на „Враќање во иднината“, на кого му беше дијагностицирана Паркинсонова болест во 1991 година, собра повеќе од 1 милијарда долари за истражување на Паркинсон преку неговата добротворна организација во повеќе од 20 години постоење.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
