1-ва Скопска - МТМ Телевизија

Белоруската тенисерка Арина Сабаленка првпат се огласи во јавноста по смртта на своето момче Константин Колцов.

Поранешниот белоруски хокеар почина во вторникотна 42-годишна возраст во сè уште неразјаснети околности.

Локалните медиуми најпрвин објавија дека се работи за самоубиство и дека Колцов скокнал од балконот, но сè уште не е исклучено дека се работи за несреќа.

Шок за јавноста претствува информацијата дека неколку дена пред смртта на Колцов, Сабаленка ја раскинала врската.

„Смртта на Константин е незамислива трагедија и покрај тоа што повеќе не бевме во врска, срцето ми е скршено. Ве молиме, почитувајте ја мојата приватност и приватноста на неговото семејство во овие тешки моменти“, напиша Сабаленка на „Инстаграм“.

И покрај трагедијата, втората тенисерка во светот реши да учествува на турнирот во Мајами.