Чави: Му кажав на судијата дека е катастрофа
- Детали
- Категорија: Спорт
- Создадено: 17 Април 2024
Барселона не успеа да се пласира во полуфиналето, во Лигата на шампионите. На тренерот Чави, виновен за поразот и елиминацијата од ПСЖ му е судијата Иштван Ковач.
По поразот во првиот меч (2:3), ПСЖ ја победија Барселона на „Монжуик“ (4:1) и со тоа се пласираа во полуфиналето.
Чави доби црвен картон во 56. минута откако бесно шутна реклама во близина на теренот.
„Срамота, Лигата на шампионите за нас заврши поради судиската грешка“, изјави Чави.
Во 29. минута Ковач му покажа црвен картон и на Роналд Араухо.
„Само му кажав на судијата дека е катастрофа. Тоа е реалноста“, рече Чави и додаде:
„Следната година Барса ќе се обиде повторно. Имавме исклучителна сезона во Лига на шампионите. Мораме да ги контролираме деталите“.
ПСЖ во полуфиналето ќе игра против Борусија Дортмунд.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс