Анчелоти: Само со бункер можевме да го елиминираме Сити
- Детали
- Категорија: Спорт
- Создадено: 18 Април 2024
Реал Мадрид го исфрли Манчестер сити од Лигата на шампионите. Реал, актуелниот европски првак го победи по изведувањето пенали. Голманот Луни во пенал серијата ги одбрани ударите на Силва и Ковачиќ.
„Само со ваква игра можевме да го елиминираме Сити“, изјави тренерот на Реал, Карло Анчелоти, чиј тим на „Етихад“ играше бункер и ретко се префрлаше на противничката половина.
„Почнавме добро, поведовме, а потоа почнавме да се мачиме, да се бориме… Стоевме премногу ниско, а Сити имаше сè поголема контрола. За среќа, одлично се браневме. Во пенал рулетот бевме уверени дека ќе поминевме, играчите ми рекоа дека ќе победат“, додаде Анчелоти.
Италијанскиот тренер откри и што му кажал Пеп Гвардиола од Сити по престрелката.
„Тој ми честиташе и ни посака среќа. Беше џентлмен како и секогаш и овој клуб е џентлменски“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс