Рамсдејл се договори со Саутемптон
- Детали
- Категорија: Спорт
- Создадено: 29 Август 2024
Арон Рамсдејл кариерата ќе ја продолжи во Саутемптон. „Светците“ успеаја да се договорат со Арсенал.
Како што пренесува Би-би-си, се очекува Саутемптон да потроши и до 25 милиони фунти за потпис на англискиот голман и дека зделката ќе биде завршена до петок на полноќ кога завршува преодниот рок во Англија.
Самиот трансфер е вреден 18 милиони фунти, а на име на различни бонуси, Саутемптон можеше да плати дополнителни седум милиони фунти.
Рамсдејл ги одигра сите натпревари во Премиер лигата во сезоната 2022/23, но го загуби местото меѓу стативите кога во клубот минатата сезона на позајмица од Брентфорд пристигна Давид Раја. Арсенал во овој преоден рок за 40 милиони фунти го откупи договорот на шпанскиот голман.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс