ФИФА ја одзеде организацијата на Перу на СП за играчи до 17 години
- Детали
- Категорија: Спорт
- Создадено: 23 Февруари 2019
ФИФА ја одзеде организацијата на Перу на Светското првенство за играчи до 17 години поради страв од инфраструктурни проблеми. Одлуката беше донесена од бирото на Советот на ФИФА, кое ги вклучува претседателите на шесте регионални конфедерации и претседателот на ФИФА – Џани Инфантино.
Турнирот беше закажан за спроведување во октомври, откако Перу беше избран за домаќин минатиот јуни, но од ФИФА соопштија дека по неколку посети откриле „неколку сериозни предизвици за спроведување на настанот од организациска и инфраструктурна гледна точка".
ФИФА додаде дека наскоро ќе разговара за алтернативи за избор на нов домаќин. Претходното издание на Светското првенство до 17 години во Индија во 2017 година беше освоено од Англија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
