Судијката од финалето во Истанбул доби високи оценки
- Детали
- Категорија: Спорт
- Создадено: 15 Август 2019
Стефани Фрапар, која стана првата жена што водеше дуел од европски клупски турнир за мажи, беше пофалена од фудбалските експерти на Островот.
Французинката имаше чест и одговорност да го предводи судирот за Суперкупот на Европа меѓу европскиот клупски шампион Ливерпул и освојувачот на Лигата на Европа, Челзи.
Натпреварот мина низ ВАР интервенција, досуден пенал, протести на играчите, продолженија и конечно изведување на пенали.
По крајот, некои од најистакнатите имиња во Англија зборуваа на адреса на Фрапар и нејзината презентација. Поранешниот играч од средниот ред на Челзи, Џо Кол, сподели позитивни зборови пред „БТ Спорт“.
– Таа добро се снајде, ја остави играта да тече и донесе многу важни одлуки. Таа се справи фантастично, изјави Кол.
Поранешниот репрезентативец на Англија, Глен Ходл, призна за физичката состојба во која судијката се наоѓаше во тешките услови во Истанбул.
– Дојде до продолженија и за самата неа. Темпото е побрзо кај мажите, но таа најде сили и заврши одлична работа, вели Ходл.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс