Албанскиот премиер со одлична споредба: Сега треба да бидеме како Милан на Ариго Саки!
- Детали
- Категорија: Спорт
- Создадено: 30 Март 2020
Албанскиот премиер Еди Рама даде интересна изјава за борбата против корона вирусот, велејќи дека државите мораат да бидат подготвени како легендарниот тим на Милан под водство на Ариго Саки.
Албанија, како и сите земји во Европа, се бори со корона вирусот со 212 случаи досега, и со 10 починати.
„Никогаш никој не победил со одбрана. Морате да нападнете, ова е тврд противник, мораме да бидеме како Милан на Ариго Саки. Сите се бранат и сите напаѓаат. Ако не играме како тим, ќе загубиме. Не сме богата земја, но мораме да покажеме дека ќе помогнеме на тие на кои им е потребно како на Италија. Денеска сите сме Италијанци“, вели Рама во интервју за италијанскиот весник „Ла стампа“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
