Формула 1 се дистанцираше од Еклстоун: За неговите мислења нема место во Ф1
- Детали
- Категорија: Спорт
- Создадено: 26 Јуни 2020
Иако беше одговорен за преобразувањето на Формула 1 во мултимилионскиот бизнис кој е денеска, Берни Еклстоун веќе не е добредојден во спортот, откако спортот се дистанцираше од 83-годишниот Англичанец по неговите контроверзни коментари околу расизмот.
Еклстоун во интервју за „Си-ен-ен“ го коментираше активизмот на шесткратниот Ф1 шампион Луис Хамилтон и движењето „Black Lives Matter“ велејќи дека понекогаш црните луѓе се поголеми расисти од белците.
Формула 1 официјално објави соопштение во кое ги осуди коментарите на Еклстоун.
„Во време кога е потребно единство за борба со расизмот и нееднаквоста, целосно не се согласуваме со коментарите на Берни Еклстоун, за кои нема место ниту во Формула 1, ниту во општеството. Господин Еклстоун нема никаква улога во Формула 1 откако си замина во 2017 година, а неговото почесно претседателство истече во јануари 2020“, се вели во соопштението на Ф1.
F1 issues a statement following recent comments made by Bernie Ecclestone https://t.co/uVI5Mp6Dpu
— Formula 1 (@F1) June 26, 2020
Еклстоун: Црните луѓе честопати се поголеми расисти од белците!
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
